Nach eme turbulentä Flug ir Buisnessklass simer am Abe in Rio de Janeiro acho. D Nacht im Hotel isch bequem gsi und s Zmorge het miteme Stück Schwarzwälderturte agfange.  Am Mittag simer idi nächschti Ungerkunft. Das Hostel isch sehr Zentrau u eifach. Ar Copacabana simer dr Strand ga erkunde. Äs isch warm bi 27 Grad u dLuftfüechtigkeit isch höch. D cariocas (iwohner vo rio) si brunbrönnt u fröhlech ungerwägs... mir si Chäswiis u no chli skeptisch, da vor dere riise Stadt mehrfach gwarnt isch worde... Am Flughafe u Lüt wo üs begägnet si, hei üs mehrfach gseit; be careful! Sobaudme aber im meer isch und sech vode wäue laht la triibe, isch aues drumherum völlig igualemente :-) morn wei mir dr berüehmt Corcovado mitdr Christus Statue bestige und si gspannt uf dä wahrschinlech irsinnig Usblick über ganz Rio...